წინამდებარე კვლევა ჩატარდა ქვეყნის მასშტაბით ნარჩენი ელექტრო და ელექტრონული მოწყობილობების (ნეემ) შემგროვებლების შესახებ მონაცემების შეგროვებისა და მათი შესაძლებლობების შეფასების მიზნით და გამოიკითხა 303 ასეთი ობიექტის წარმომადგენელი.

• ობიექტების 24% რეგისტრირებულია ნარჩენების მართვის ბაზაში waste.moe.gov.ge.
• ნარჩენების შემგროვებელ-დამამუშავებელ ობიექტთა საშუალო ფართობი 509 მ²-ს შეადგენს.
• ობიექტების მხოლოდ 23% აქვს სპეციალური ტექნიკა ნარჩენების დასამუშავებლად, ობიექტების 76% ეწევა ნარჩენების ამა თუ იმ ფორმით დამუშავებას.
• გამოკითხულ ობიექტთა 44% არ ფლობს არანაირ სპეციალურ აღჭურვილობას, ხოლო ობიექტების უფრო მეტი ნაწილზე (76%) მუშახელი არ ატარებდა სპეციალურ აღჭურვილობას. ხოლო, იქ, სადაც ატარებდნენ, ყველაზე ხშირად ფიქსირდება: სპეციალური ხელთათმანი (93%), დამცავი ტანსაცმელი (33%), ჩაფხუტი (29%) სათვალე (26%).
• გამოკითხულთა 50% გამოთქვამს სურვილს, გაიაროს სპეციალური გადამზადება ნარჩენების ტრანსპორტირებასა და დამუშავებაზე, გამოკითხულთა 37% უარს ამბობს გადამზადებაზე ინტერესის და საჭიროების არცოდნის, და  დროის უქონლობის გამო.
• ობიექტების 65 % ნარჩენების დამუშავებას მხოლოდ მუშახელის საშუალებით ახდენს. ხოლო გამოკითხულთა უმნიშვნელო ნაწილს (3%) აქვს შესაძლებლობა ნარჩენები დაამუშაოს მხოლოდ სპეციალური ტექნიკური მოწყობილობებით.
• ობიექტთა 79% ახენს დარჩენილი ნარჩენის ნაგავსაყრელებზე განთავსებას, 9% დროებით ასაწყობებს ნარჩენს, ხოლო 5% წვავს.
• გამოკითხული ობიექტების 46% საეროდ არ ახარისხებს დამუშავება/სეპარირების შემდეგ მიღებულ ნარჩენებს.
• ნარჩენების მართვის გეგმა აქვს მხოლოდ გამოკითხული ობიექტების 11%-ს.

კვლევა მომზადებულია პროექტის „ელექტრონული ნარჩენების მართვის შესაძლებლობების განვითარების მხარდაჭერა საქართველოში“ ფარგლებში  ორგანიზაციის Georgia’s Environmental Outlook (GEO) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.