LocationsBojxona qo‘mitasi hamda Iqtisodiyot va moliya vazirligi gender tengligiga erishish yo‘lida ishonchli qadamlarni davom ettirmoqda
25-October, 2023
O‘zbekiston uchun gender tenglik mavzusi dolzarb bo‘lsa-da, ko‘p yillar davomida jim bo‘lib, yoritilmagan. O‘zbekistonning ochiqlik siyosati va jamiyatdagi o‘zgarishlar tufayli muammo haqida ochiq gapirish, uni o‘rganish, harakat yo‘nalishlarini shakllantirish vaqti keldi.
Bu haqda 2023-yil 23-oktabr kuni BMT Taraqqiyot dasturi tomonidan tashkillashtirilgan “Davlat muassasalari uchun gender tenglik nishoni” doirasidagi o‘quv seminarlarining ochilish marosimida so‘z yuritildi.
O‘quv seminarlarining ahamiyati va dolzarbligini ta’kidlagan qutlov so‘zlari bilan O‘zbekiston Respublikasi Oliy Majlisi Senatining Xotin-qizlar va gender tenglik masalalari qo‘mitasining raisi Malika Kadirxanova, O‘zbekiston Respublikasi Iqtisodiyot va moliya vaziri o‘rinbosari Gulnora Rahimova, Birlashgan Millatlar Tashkiloti Taraqqiyot Dasturining (BMTTD) O‘zbekistondagi doimiy vakili o‘rinbosari Anas Fayyad Qarman, “Davlat muassasalari uchun gender tenglik nishoni” dasturi koordinatori Ana Landa Ugarte (BMTTD) va O‘zbekiston Respublikasi Iqtisodiyot va moliya vazirligi qoshidagi Bojxona qo‘mitasi raisi o‘rinbosari Otabek Choriev nutq so‘zlashdi.
Eslatib oʻtamiz, Davlat bojxona qoʻmitasi Oʻzbekistonda 2022-yil oktabr oyida Gender tengligi belgisiga qoʻshilgan birinchi davlat organi boʻldi. Qo‘mita dasturning birinchi bosqichi muvaffaqiyatli yakunlangani hamda respublikaning barcha hududlarini qamrab olgan 300 dan ortiq xodimlarning javoblari muvaffaqiyatli baholangani haqida hisobot berdi. Xalqaro dastur ekspertlarining tavsiyalari asosida ishlab chiqilgan chora-tadbirlar rejasi tadbir ishtirokchilariga taqdim etildi.
Moliya vazirligi 2022-yil dekabr oyida dasturga qo‘shilgan ikkinchi hukumat idorasi bo‘ldi. Endilikda, joriy yil boshida amalga oshirilgan institutsional o‘zgarishlardan so‘ng, Iqtisodiyot va Moliya vazirligi rahbariyatining kuchli qo‘llab-quvvatlovi bilan ushbu muhim tashabbusni ilgari surish bo‘yicha navbatdagi ishlar amalga oshirilmoqda. 23-25-oktabr kunlari vazirlik xodimlari uchun seminarlar o‘tkazilmoqda.
Xususan, Anas Fayyad Qarman o'z nutqida quyidagilarni ta'kidladi:
“O‘zbekiston nafaqat mamlakatda gender tengligi va ayollar huquqlarini ta’minlash uchun qulay huquqiy, institutsional va ijtimoiy-iqtisodiy muhitni yaratish bo‘yicha tizimli chora-tadbirlarni amalga oshirdi, balki bu borada tobora faol Markaziy Osiyo mintaqasida gender tengligining mintaqaviy targ'ibotchisiga aylanib bormoqda. So‘nggi yutuqlar qatorida oiladagi zo‘ravonlik jinoyat deb topilgani ayollar va bolalarning huquqlari, erkinliklari va qonuniy manfaatlarini ishonchli himoya qilish uchun huquqiy asos yaratdi. O‘tgan haftada biz ayollarning siyosiy hayotdagi faolligini oshirish maqsadida O‘zbekistonning barcha hududlaridan 200 nafar ayolni jamlagan ‘Yetakchi ayollar muloqoti’ platformasining ikkinchi bosqichini boshladik”.
O‘quv seminarlarining ochilish marosimida respublika vazirlik va idoralari, BMTTD vakillari, shuningdek, gender masalalari bo‘yicha milliy va xalqaro ekspertlar hamda ommaviy axborot vositalari vakillari ishtirok etdi.
Oʻquv seminarlari BMTTDning uch loyihasi: “Oʻzbekiston milliy gender strategiyasini amalga oshirishni qoʻllab-quvvatlash orqali tenglikka erishish (Gender tenglik loyihasi)”, “Davlat muassasalari uchun gender tenglik nishoni” va “Soliq siyosati va barqaror rivojlanish maqsadlari” tomonidan oʻtkazilmoqda.
BMT Taraqqiyot Dasturi O‘zbekiston hukumatining gender tengligiga erishish va barcha uchun teng rivojlanish yo‘lida ayollar huquq va imkoniyatlarini kengaytirish borasidagi sa’y-harakatlarini qo‘llab-quvvatlaydi.
