2020 yil 1 iyundan 1 sentyabrga qadar, BMTning Taraqqiyot dasturi O'zbekiston respublikasi Innovatsion rivojlanish vazirligi bilan birgalikda Shvetsiya elchixonasi ko'magida O'zbekistonnig olima ayollarining tadqiqot faoliyati sifatini oshirish va xalqaro jurnallarda ilmiy maqola chop etish ko'nikmalalarini rivojlantirish maqsadida treninglar o'tkazildi.

Ushbu treninglar o'tkazilishining ahamiyati shundaki, O'zbekiston Global innovatsion indeksda yuqori o'rinlardagi 50 ta mamlakat qatoriga qo'shilish maqsadini o'z oldiga qo'ygan. Ushbu indeksni hisoblashda mamlakatda chiqarilgan maqolalarning soni va ularga iqtibos keltirilishi ham hisobga olinadi. 2015-2020 yillarda Scopus olimlar ma'lumotlari bazasida O'zbekistondan faqatgina 3 ta ayol olimalar bo'lgan. Bu xotin-qizlarni ilmiy faoliyatga jalb qilishni kengaytirish kerakligi haqida dalolat beradi.

Treninglarda qatnashish uchun 250 dan ortiq kishi ariza topshirdi, ulardan 51 nafari tanlab olindi. Trening va seminarlar olim, iqtisodchi Rauf Salaxo'jayev  - ilm-fandagi yutuqlari uchun Scopus (dunyo bo'ylab olimlar faoliyatini baholovchi xalqaro tashkilot) mukofotining 3 karra sohibi, 2017, 2018 va 2019 yillarda ko'p iqtibos keltiriladigan O'zbekistonlik olim - tomonidan o'tkazildi. 

Treninglar davomida, ishtirokchilar ilmiy maqolalarni yozish, ijtimoiy fanlarda qanday metodologik yondashuvlar ishlatilishi, adabiyotlar bo'yicha obzorni qanday yozish, empirik tahlilni qanday o'tkazish va boshqa ko'nikmalar hamda yangi bilimlarni o'rganishdi. Treninglar davomida 3 ta ishtirokchining maqolalari jahonda tan olingan International Journal of Energy Economics and Policy, Tourism Review International, International Journal of development studies nashrlarda chiqarildi.

---

Muharrirlar uchun:

BMTTDning "Davlat boshqaruvida va ijtimoiy-siyosiy xayotda ayollar faolligini oshirish" qo'shma loyihasi 2017 yilning oktyabrь oyidan mavjud. Loyiha o'z faoliyati davomida quyidagilarga erishdi:

1. "Xotin-qizlar va erkaklar uchun teng huquq hamda imkoniyatlar kafolatlari to'g'risida” va “Xotin-qizlarni tazyiq va zo'ravonlikdan himoya qilish to'g'risida”gi O'zbekiston respublikasi qonunlarining (2019 yil 2 sentyabrь) loyihalarini ishlab chiqishda faol ishtirok etildi.

2. Zo'rlik ishlatishdan jabr ko'rgan shaxslarni reabilitatsiya qilish va moslashtirish markazlarida gender statistik ma'lumotlarini yig'ish va tahlil qilish bo'ycha elektron jurnal ishlab chiqildi.

3. Deputatlar, vazirlik va idoralardagi mutaxassislar uchun qonunlarni gender huquqlari jihatidan ekspertizadan o'tkazish bo'yicha treninglar o'tkazildi.

4. Qishloq joylardagi ayollar uchun bepul yuridik klinika ochildi, 2019 yil noyabrь oyidan dekabrь oyigacha 200 dan ortiq ayollar konsulьtatsiya olishdi.

5. Xotin-qizlarning huquqlari va imkoniyatlarini kengaytirig bo'yicha normativ-huquqiy hujjatlarni va tahliliy materiallarni tayyorlashda ko'mak ko'rsatildi.