عێراق لە بەرەوپێشچوونەدایە لە ڕوانگەیەوە کە چۆن خزمەتگوزاریە گشتیەکان پێشکەش دەکرێن، داخوازیەکانی خەڵک بە دیدەهێنرێت هەروەها چارەسەری درێژمەودا و بەردەوام بۆ کارە لەپێشینیەکانی کە بەردەوام لە گۆڕاندان دەدۆزرێتەوە. بەم شێوەیە، لامەرکەزی دەبێتە هۆی بەنرخکردنی بەرەوپێشچوونی ئابووری و کۆمەڵایەتی لە عێراق لە ڕێگەی بەڕێوەبردنێکی کاریگەر و شەفافی دەمەزراوەکانی حکومەتی ناوخۆیی و خزمەتگوزاریە گشتییەکان.

لەم چوارچێوەیەدا، بەرنامەی نەتەوە یەکگرتووەکان بۆ پەرەپێدان لە عێراق، هەستا بە سازدانی وۆرکشۆپێکی سێ ڕۆژە لە نێوان ڕۆژانی 11 بۆ 13ی تشرینی یەکەم بۆ 30 کاربەدەستی حکومەتی ناوخۆیی لە پارێزگاکانی نەینەوا، سەلاحەدین، ئەنبار، هەولێر، دهۆک، سلێمانی، بەسڕا، زیقار و میسان بۆ دەستنیشانکردنی دەستکەوتەکانی پڕۆژەی نێوان هاوتاکان لە نێوان پارێزگاکانی عێراق و هاوبەشە ئەوروپیەکانیان. وۆرکشۆپەکە ئامانجی بوو کە باشترین کارەکان و وانەکانی کە لە پڕۆژەکەوە بەدەست هاتوون لە نێوان پارێزگاکان بخاتەڕوو و هەروەها ئاسانکاریبکات بۆ ئاڵوگۆڕکردنی زانیاری لە نێوان بەشداربوون و پێشکەشکردنی چەمکی داهێنەرانە تاوەکو کاربەدەستانی ناوخۆیی بتوانن لەو ڕێگەیەوە بەشێوەیەکی ستراتیژی دەستپێشخەریە ناوخۆییەکانی پەرەپێدان بخەنە پێشینەی کارەکانیان.

پڕۆژەی نێوان هاوتاکان زنجیرەیەک هەماهەنگیە لە نێوان پارێزگاکانی نەینەوا، سەڵاحەدین، ئەنبار، هەولێر، دهۆک، سلێمانی، بەسڕا، زیقار و میسان و هاوبەشیە ئەوروپییەکان؛ فەڕەنسا، سوید، ئیتاڵیا، ئەلبانیا و سلۆڤینیا. هاوبەشییەکان تیشکیان خستەسەر سێکتەرە لە پێشینەیەکانی پارێزگاکانی عێراق، وەک وزی خۆر، پەروەردەی گشتگیر، کشتوکاڵ، بەڕێوەبردنی سەرچاوەکانی ئاو، ڕەخساندنی هەلی کار و بەڕێوەبردنی پاشماوەکان.