کۆمەڵگەکانی پارێزگا رزگارکراوەکان لە داعش، پاش ساڵانێک لە ناکۆکیی، پێکەوە کاردەکەن بۆ ساڕێژکردنی پچڕانی یەكریزی کۆمەڵایەتی. هاوکات زۆر گرنگە هانی دروستکردنی متمانەی گشتی بدرێت بە دەسەڵاتە خۆجێیەکانی وەک پۆلیسی کۆمەڵگەیی پێکهێنراو لەم کۆمەڵگانە. بەرنامەی نەتەوە یەکگرتووەکان بۆ پەرەپێدان لە عێراق، بە هاوبەشی لەگەڵ رێکخراوی فریاکەوتنی میللی و بە هاوکاریی هاوپەیمانی کەمایەتییەکانی عێراق و تێکۆشان لەپێناو مرۆڤایەتی، کاردەکەن بۆ توانادارکردن و بەشداریپێکردنی دەسەڵاتە خۆجێیەکان و لایەنە کۆمەڵگەییەکان بۆ برەودان بە پێكەوەژیانی کۆمەڵایەتی لە دوانزە ناوچە لە نەینەوا و کەرکوک، بە پاڵپشتی دارایی هۆڵەندا.

پڕۆژە 12 مانگییەکە پێکدێت لە، پەرەپێدانی بەرنامەی راهێنانی بونیاتنانی ئاشتیی، بەرنامەی بونیاتنانی تواناکان بۆ دەسەڵاتە خۆجێی و لایەنە کۆمەڵگەییە پەیوەندارەکان، میوانداریکردنی گفتوگۆی کۆمەڵگەیی و کۆبوونەوەی نێوەندگیری، هەروەها ئاسانکاری بۆ بەستنی دە رێککەوتننامەی ئاشتی خۆجێی. ئەو دەسەڵاتە خۆجێییانەی لە پرۆژەکەدا بەشداربوون بریتین لە، کارمەندانی ئاسایش، سەرکردە کۆمەڵگەییەکان، پۆلیس و پۆلیسی کۆمەڵگەیی. لە نیسانی 2022 ەوە کۆمەڵێک کۆبوونەوە ئەنجامدراون لە ناوچە جیاوازەکانی کەرکوک و نەینەوا و تا ئەمڕۆ 542 بەشداربوو توانادار کراون.