Монгол Улсад үйл ажиллагаа явуулж буй нийт аж ахуйн нэгжийн 97 хувийг 50 хүртэл ажилтантай жижиг, дунд бизнес эрхлэгчид эзэлж байгаа бөгөөд Монгол Улсын Засгийн газар төрөлжсөн сангуудаар дэмжлэг үзүүлдэг. Тэр дундаа Хөдөлмөр эрхлэлтийг дэмжих сангаас үзүүлж буй санхүүгийн дэмжлэгийн 59 хувийг бизнесийг дэмжихэд зарцуулж байна. 

“ХЭДС-гийн санхүүгийн дэмжлэг үзүүлэх үйл ажиллагааны төсөл сонгон шалгаруулах үйл явцыг сайжруулах” судалгааг Европын Холбооны санхүүжилттэйгээр НҮБ-ын Хөгжлийн хөтөлбөрийн хэрэгжүүлж буй “Монгол Улсад Тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслийн хүрээнд хийж гүйцэтгэв. 

ХЭДС-гийн хөрөнгийн зарцуулалтыг илүү үр дүнтэй, зорилтот бүлгийн хэрэгцээг илүү судалж, улмаар бизнесээ хэрхэн зөв удирдан зохион байгуулахтай холбоотой сургах, чиглүүлэх, зөвлөх зэрэг санхүүгийн бус дэмжлэг нэн шаардлагатай байгаа нь судалгаагаар илүү тодорхой болж байна.